Bu barədə məlumat FİDE-nin rəsmi saytında yerləşdirilib. 

  Chess.az xəbər verir ki, məlumatda FİDE bütün şahmat federasiyalarını oktyabrın 1-dən 11-dək Azərbaycanda keçiriləcək 16 yaşadək şahmatçılar arasında Ümumdünya Şahmat Olimpiadasında iştirak etmək üçün qeydiyyatdan keçməyə dəvət edir. Məlumatda deyilir ki, FİDE-yə üzv olan hər bir federasiya Naxçıvanda keçiriləcək olimpiadaya bir komanda göndərmək hüququna malikdir. Hər bir komanda dörd əsas və maksimum iki ehtiyat oyunçudan ibarət olmalıdır. Bundan əlavə hər bir yığma bir şahmatçını kapitan kimi sifariş edə bilər. 
  FİDE-yə üzv olan federasiyalar avqustun 15-dək rəsmi qeydiyyat formasını lazımi qaydada doldurmalı və təşkilatçılara göndərməlidir. 


скачать dle 12.1