Dünya çempionu Maqnus Karlsenin təşkil etdiyi "Meltwater Champions Chess Tour" onlayn şahmat seriyasının beşinci mərhələsinin qrup oyunları başa çatıb.
CANLI
Chess.az xəbər verir ki, dünən "TX Road to Miami" adlı onlayn şahmat superturnirinin qrup mərhələsinin son üç qarşılaşmaları keçirildi. Təəsüf ki, son oyun gününə 6-cı pillədə çıxan həmyerlimiz Şəhriyar Məmmədyarov gözlənilmədən son oyun gününü bərbad keçirərək 1/4 finaldan kənarda qaldı. Norveçli Aryan Tari və ABŞ şahmatçıları Samuel Sevianla Cefri Ksionqla qarşılaşan Məmmədyarov hər üç oyunda məğlub olaraq növbəti mərhələyə adlaya bilmədi. Növbəti mərhələyə isə, amerikalılar Samuel Sevian, Cefri Ksionq və Levon Aronyan, hindistanlı Arjun Eriqaisi, polyak Yan-Kşıştof Duda, macar Ricard Rapport, niderlandlı Aniş Giri və çinli Vey Yi adlayıblar.