Beynəlxalq Şahmat Federasiyası yeni reytinq siyahısını açıqlayıb.

   Avqust ayına olan reytinq listdə milli komandamızın üzv Şəhriyar Məmmədyarov iki pillə irəliləyərək yenidən TOP-10-a daxil oldu. 2758 xalı olan Məmmədyarov hal hazırda 10-cu pillədə qərarlaşıb. Ötən ay "İddiaçılar turnirində" inamlı çıxışı ilə yadda qalan digər şahmatçımız Teymur Rəcəbov də irəliləyib. Üç pillə irəliləyən Teymur hal hazırda 2747 xalla 15-ci yerdə qərarlaşıb.
   TOP-100-də Azərbaycan daha iki şahmatçı ilə təmsil olunur. Belə ki, Qədir Hüseynov 2668 xalla 78-ci, Rauf Məmmədov isə 2656 xalla 93-cü pillədə qərarlaşıblar.
   Siyahıya əvvəlki kimi norveçli dünya çempionu Maqnus Karlsen başçılıq edir. Çinli Liren Dinq ikinci, FIDE-ni təmsil edən Yan Nepomnyaşiy isə üçüncü yerdədir.
   Qadınların reytinq cədvəlində şahmatçılarımızdan Günay Məmmədzadə 5 pillə irəliləyərək 2466 xalla 21-ci yerdə qərarlaşıb. Ülviyyə Fətəliyeva 2413 xalı ilə 41-ci, Gülnar Məmmədova isə 2380 xalla 68-ci pillələrdə yer alıblar. Qadınların reytinq cədvəlinə həmişəki kimi çinli Xu Yifan (2650) başçılıq edir. Rusiyalı Aleksandra Qoryaçkina ikinci, daha bir çinli Yu Venjun isə üçüncü pillədə qərarlaşıblar.скачать dle 12.1