Çexiyanın paytaxtı Praqa şəhərində qadınlar arasında şəxsi Avropa çempionatına start verilib.
CANLI
Chess.az xəbər verir ki, qitə birinciliyində yeddi şahmatçımız mübarizə aparır. Bunlar, Günay Məmmədzadə, Ülviyyə Fətəliyeva, Gülnar Məmmədova, Xanım Balacayeva, Gövhər Beydullayeva, Səbinə İbrahimova və Ləman Hacıyevadır. Artıq çempionatın ilk iki turu da arxada qaldı. Təmsilçilərimizdən ən yaxşı startı Günay və Ülviyyə götürüblər. Hər iki şahmatçımız ilk iki turu qələbə ilə başa vurublar.
Bu gün Bakı vaxtı ilə saat 17:15-də Avropa çempionatının üçüncü turuna start veriləcək. Qeyd edək yarış İsveçrə sistemi üzrə keçirilir və 11 turdan ibarət olacaq.
22-08-2022, 09:39