Bu gün Qazaxıstanın paytaxtı Astana şəhərində"FİDE Grand Prix" seriyasının birinci mərhələsinə yekun vurulacaq.
CANLI
Chess.az xəbər verir ki, bu gün 12 şahmatçının mübarizə apardığı turnirin son turun partiyaları keçiriləcək. Keçirilmiş 10 turdan sonra turnir cədvəlinə aktivində 7.5 xalı olan Katerina Laqno başçılıq edir. Rusiyanın Ukrayna ilə apardığı müharibə üzündən Rusiya bayrağı altında çıxış edə bilməyən Laqno, öz həmyerlisi Aleksandra Qoryaçkinanı yarım xal qabaqlayır və birinci mərhələnin qalibi olmağa çox yaxındır. Bakı vaxtı ilə saat 12:00-da başlayacaq son turda lider Laqno qara fiqurlarla daha bir yer həmyerlisi Aleksandra Kostenyukla qarşılaşacaq. Katerinanın ən yaxın izləyicisi Qoryaçkina isə, hindistanlı Vişali ilə qarşılaşacaq.
Qeyd edək ki, qadınların "FİDE Grand Prix" seriyası kişilərdə də olduğu kimi dörd mərhələdən ibarətdir. Növbəti mərhələlər isə fevral ayında Almaniyada, mart ayında Hindistanda, sonuncu mərhələ isə may ayında isə Polşada keçiriləcək.