ABŞ şahmatçısı Hans Niman “Baku Open 2023” beynəlxalq şahmat festivalını yarımçıq tərk edib.

   Chess.az xəbər verir ki, o bu addımı turnirdə aldığı ikinci məğlubiyyətdən sonra atıb. Medal şansını itirən Nimanın aktivində səkkiz turdan sonra 4.5 xalı olub və o uğursuz çıxışının fonunda son tura çıxmaqdan imtian edərək ölkəsinə qayıtmağa qərar verib.

   Xatırladaq ki, Niman son zamanlar sabiq dünya çempionu Maqnus Karlsenlə qalmaqaldan sonra şahmat aləmində xeyli məhşurlaşıb. Karlsen onu açıq şəkildə oyunlar vaxtı kompüter texnologiyalarının köməyindən istifadə etməkdə ittiham etmişdir. Niman isə öz növbəsində Maqnus Karlseni məhkəməyə verib və ondan 100 milyon dollar təzminat tələb edir. скачать dle 12.1