Ölkəmizin Argentinadakı səfirliyinin təşəbbüsü, Azərbaycan Şahmat Federasiyasının Uşaq-Gənclər Komissiyasının eləcə də Argentina Şahmat Federasiyasının təşkilatçılığı ilə iki ölkənin yeniyetmə komandaları  arasında yoldaşlıq görüşü keçirilib.

   Onlayn formatda keçirilən oyunda hər komandada 6 şahmatçı mübarizə aparıb. Yekun nəticədə Azərbaycan komandası argentinalı həmyaşıdlarına 7,5-4,5 hesabı ilə qalib gəldi.

   Azərbaycan komandasının  heyətində Şəmsi Qaraxanov, Şahin Vəliyev, Əhməd Xaqan, Xanım İsmayılova, Nərmin Abdinova və Səmra Qasımova çıxış ediblər.

   Qaliblər üçün hazırlanan medal və kubok komandamıza çatdırılması üçün ölkəmizin Argentinadakı səfirliyinə təqdim edilib.скачать dle 12.1