Bakıda davam edən şahmat üzrə Dünya kubokunun ikinci oyun günü şahmatçılarımız üçün uğursuz başladı.
Chess.az xəbər verir ki, dünən keçirdiyi ilk oyunda panamalı beynəlxalq usta Roberto Sançez-Alvarezi məğlub edən qrossmeystirimiz Eltac Səfərli, cavab oyuna gecikərək texniki məğlubiyyət aldı. Eltacın gecikməsi üzündən bu cütlükdə hesab bərabərləşdi (1:1) və qalib sabah keçiriləcək tay-brekdən sonra müəyyən olunacaq.
Qeyd edək ki, bu cütün qalibi FİDE-ni təmsil edən rus Andrey Yesipenko ilə qarşılaşacaq.
31-07-2023, 15:29