Dünən Bakıda keçirilən şahmat üzrə Dünya kubokunun ikinci mərhələsinin ilk partiyaları keçirildi.
CANLI (OPEN)
CANLI (QADINLAR)
Təəsüf ki, dünənki oyun günü şahmatçılarımız üçün olduqca uğursuz keçdi. Belə ki, dünən həm kişilərin, həm də qadınların yarışında mübarizəyə qoşulan 15 şahmatçımızdan heç bir qələbə sevincini yaşaya bilmədi. Teymur Rəcəbov, Şəhriyar Məmmədyarov, Nicat Abbasov, Rauf Məmmədov, Qədir Hüseynov, Abdulla Qədimbəyli, Eltac Səfərli və Ülviyyə Fətəliyeva mərhələnin ilk pariyalarını bərabərliklə başa vurdular. Aydın Süleymanlı, Misrətdin İsgəndərov, Vüqar Əsədli, Vasif Durarbəyli, Günay Məmmədzadə, Gövhər Beydullayeva və Gülnar Məmmədova isə, ilk oyunlarında məğlub oldular.
Bu gün Bakı vaxtı ilə saat 15:00-da cavab görüşlərinə start veriləcək.