Paytaxtımızda davam edən şahmat üzrə Dünya kubokunun reytinq favoriti olan norveçli eks-dünya çempionu Maqnus Karlsen, Bakıda qolf oynadı.
Chess.az xəbər verir ki, Zığ şossesində yerləşən "Dreamland Golf Club"-un qonağı olan məşhur şahmat ulduzu, havanın isti olmasına baxmayaraq keyfli anlar yaşadı.
Qeyd edək ki, Maqnus Karlsen üçüncü mərhələdə iki oyunun nəticəsinə görə həmyerlesi Aryan Tarini məğlub edərək növbəti mərhələyə yüksəlib. Bu gün istirahət edən Karlsenin növbəti mərhələdə rəqibi isə, almaniyalı Vinsent Keymer olacaq.