Qeyd etdiyimiz kimi "Vüqar Həşimov Memorial-2023” şahmat  superturnirinin iştirakçıları, yarışın keçiriləcəyi Qəbələ şəhərinə yola düşməmişdən öncə  II Fəxri xiyabanda yerləşən məhrum qrossmeysterimiz Vüqar Həşimovun məzarını ziyarət ediblər.

   Ziyarətdə Azərbaycan Şahmat Federasiyasının prezidenti və FİDE-nin vitse-prezidenti Mahir Məmmədov, yarış iştirakçıları, federasiya üzvləri, şahmatçılar və Təşkilat Komitəsinin nümayəndələri iştirak ediblər.

    AŞF prezidenti Mahir Məmmədov Vüqar Həşimovun dünya şahmatında qazandığı nailiyyətlərin hər zaman qürurla xatırlandığını bildirib: “Hər bir azərbaycanlı Vüqar Həşimovla fəxr etməlidir. Onun oyunları bu gün gənc şahmatçılar üçün bir dərslikdir. Nə qədər ki, şahmat var, Vüqar da həmişə xatirələrdə qalacaq”.скачать dle 12.1