FİDE aprel ayı üçün növbəti reytinq siyahısını açıqlayıb.
Chess.az xəbər verir ki, ilk "10-luq"da Azərbaycanın cəmi bir təmsilçisi qalıb. Teymur Rəcəbov 2765 ELO xalı ilə hazırda dünya reytinq sıralamasında 9-cu pilləni qorumaqla, həmçini Azərbaycanın "1 Nömrəsi" ünvanını da özündə saxlayıb. Bu ay ərzində oyun keçirməyən Şəhriyar Məmmədyarov isə, niderlandlı Aniş Girinin irəliməsi nəticəsində TOP-10-da mövqeyini itirib. Məmmədyarov hazırda 2764 xalla 11-ci pillədə qərarlaşıb. Digər şahmatçılarımızdan Qədir Hüseynov 72-ci, Nicat Abbasov 74-cü, Rauf Məmmədov isə 91-ci pillədə qərarlaşıb.
Qadınların reytiqn cədvəlində üç şahmatçımız yer alıb. Günay Məmmədzadə 29-cu, Gülnar Məmmədova 77-ci, Xanım Balacayeva isə 86-cı pillələrdə qərarlaşıblar.