Şahmat üzrə Azərbaycan yığmasının üzvü, üçqat Avropa çempionu Rauf Məmmədovun ailəsində böyük sevinc yaşandı.
Chess.az xəbər verir ki, Raufun həyat yoldaşı, ukraynalı şahmatçı Natalya Buksa ikinci dəfə qadınlar arasında şahmat üzrə Ukrayna çempionu adını qazandı. Bu gün başa çatmış ölkə birinciliyində Natalya 9 oyunda 7.5 xal toplayaraq rəqiblərinə heç bir şans buraxmadı. Qeyd edək ki, Natalya ilk dəfə 2018-ci ildə Ukraynanın ən güclü qadın şahmatçısı adını qazanmışdır.