Xəbər verdiyimiz kimi, Naxçıvan Muxtar Respublikası Şahmat Federasiyası və Fransanın Şartr şəhərinin "C’Chartres Échecs" şahmat klubunun birgə təşkilatçılığı ilə Azərbaycan-Fransa onlayn yoldaşlıq matçı keçirilib.
Qarşılaşmada "C’Chartres Échecs" şahmat klubu ilə Culfa Rayon Uşaq Gənclər Şahmat Məktəbinin və Naxçıvan MR Şahmat Federasiyasının 16 yaşadək şahmatçıları üz-üzə gəliblər. 3 saata yaxın davam edən qarşılaşma gərgin anlarla yadda qaldı və Azərbaycan şahmatçılarının 10-8 hesablı qələbəsi ilə nəticələndi.