Bu gün Azərbaycanın ən güclü şahmatçılarından bir hesab olunan Teymur Rəcəbov “Airthings Masters” onlayn şahmat turnirində erməni Levon Aronyanla qarşılaşacaq.

Chess.az xəbər verir ki, qarşılaşma Bakı vaxtı ilə saat 21:00-da başlayacaq. Aronyandan başqa, Teymur bu gün ABŞ şahmatçısı Hikaru Nakamura və rusiyalılar Aleksandr Qrişyukla Yan Nepomnyaşiylə qarşılaşacaq. Xatırladaq ki, bu turnir dünya çempionu Maqnus Karlsenin təşkil etdiyi “Champions Chess Tour” seriyasının ikinci yarışıdır. Dünən başlayan turnir Teymur üçün hələ ki, uğurlu gedir. Dünən keçirilən dörd turdan sonra Teymur Rəcəbov 2.5 xalla 1-5-ci yerləri bölüşür.
 Qeyd edək ki, seriyanın ilk turniri olan "Skilling Open"-də də həmyerlimiz Teymur Rəcəbov erməni Levon Aronyanla qarşılaşmışdır.  Tərəflər arasında bu ilin 23 noyabr tarixində baş tutan oyun Teymurun inamlı qələbəsi ilə nəticələnmişdir. Onu da qeyd edək ki, turnirdə Teymur Rəcəbov və Levon Aronyandan başqa Maqnus Karlsen (Norveç), Maksim Vaşye-Laqrav (Fransa), Hikaru Nakamura, Uesli So (hər ikisi ABŞ), Aleksandr Qrişuk, Yan Nepomnyaşi, Danil Dubov (hamısı Rusiya), Aniş Giri (Niderland), Pantala Harikrişna (Hindistan) və David Anton (İspaniya) kimi dünya şahmat ulduzları çıxış edirlər.Seriyanın ümumi mükafat fondu isə, 1.5 milyon ABŞ dollar təşkil edir. 

21:00:TEYMUR RƏCƏBOV-LEVON ARONYAN (CANLI)
скачать dle 12.1